任 務 四
為時裝品牌尋找Urban Doer
終於來到最後一項任務,難度倍增,今次的任務是為Levi's ® 尋找 Urban Doer,即是敢為自己夢想,跳出舒適圈,突破自己框框的年青人!各隊可以不同形式 /地方,尋找、招募,然後為揀選的 Urban Doer 用創意啟發人心的方式展現他/她的故事,宣揚敢想敢做的 Urban Doer 精神,並於社交網站上分享宣傳。任務將以計劃書、線上線下的執行成效及活動後報告三方面作出評分。
參賽隊伍
自稱女神 (嶺南大學)
拍攝了4 條短片,分別是街訪年輕人的夢想、減肥成功的年青人、踏上演員夢的女生,和如何創造傳奇人生的女生。街頭宣傳到了旺角、銅鑼灣和校園,以DIY牛仔布卡片套工作坊作即場登記會員的贈品。
Comment:
  • 在短時間內製作四個短片並不容易, good job !
  • 早前分別於旺角﹑銅鑼灣及校園擺放街站,成功吸引目標群登記Levi's 的會員計劃。
  • 利用回收牛仔布製作card holder,有助提升Levi's的品牌印象。
Task 4 冠軍 :
Rushing Dog(嶺南大學)
隊伍得獎感受:
面對強勁的對手,能夠勝出最後任務,隊長李興發表示原本都好有信心,因為是最後一個,大家都出盡力。「但到了要開始執行宣傳之後,見到其他組都做得好好,開始覺得好驚,所以做更加努力咗去做,因為驕兵必敗!」
而到公布成績當日,「心情好緊張,一直都不夠膽想像勝出會怎麼樣,因為害怕輸了會受好大打擊。收到電郵通知,首先係見到其他隊名,以為輸了有少少唔開心。不過,再看下去,見到 overall個 winner 是我們,心情好激動,好開心,開心到自己在街好上大聲咁WO~咗一聲,因為這是我們一直好努力好努力的證明,真的好感動!」
任務難在要用力
說回任務難度,Ileana指:「終極任務是難度最高,但也是最有趣一個。因為我們都對品牌有興趣,所以構思宣傳時較容易,不過大家都第一次製作皮革用品紀念品,上手時間較耐,也消耗體力是一次好難忘的經歷。」
尋找拍攝對象時也花時間,因為每一個人都有值得分享的故事,而最後經一番功夫才選定 Leon。「他真的好好,因為第一次拍攝時未有提供品牌的服裝,但他也不介意重拍,真的十分感謝他!」
感受街頭人間有情
在旺角、銅鑼灣的擺檔更體會到不相識的人申出援手的感動。「Roadshow 時正直星期日的旺角,整條西洋菜街都好熱鬧,起初找不到位置去擺攤位。但當我們和其他擺檔既人傾過之後,他們都願意騰出空位給我們,還以為他們好惡,但原來並非如此。」而在銅鑼灣擺檔時,因為當日好大風,多次吹倒攤位,但感到好彩附近經過的人都路見不平,見到我們有困難,都即時拋低手上的工作來幫我們。」
完成比賽獲益良多
對於不是讀 marketing 的同學,很多方面都要慢慢摸索,「由完全不懂 photoshop 和剪片,到作品可算見得人。亦學會了怎樣做計劃書,更認識到好多對商業運作。知道原來每個 promotion 背後有很多步驟,而且知道唔同公司都會有唔同既要求同埋風格,覺得我地仲有好多野要學。隊員 Sin Siu Ting 「特別係遇到突發狀況既時候,大家一齊諗辦法解決,一齊通宵做野,雖然辛苦,但有幾個一齊努力,互相支持分擔,傾下笑下咁完成一齊計劃既任務,感覺即使贏唔到獎,都贏到一個好開心既過程同友誼。」
Task 4 最多會員登記的隊伍 :
鬼馬四星(香港浸會大學)
各隊員得獎感受:
Lung Sum Kiu
「能夠得獎覺得好開心,努力獲得成果,因為是最後一項任務,見到其他組都很努力,我們也盡力去做到最好! 所以能夠得獎真的感到很榮幸。」
Li Yuk Ying
「因為我哋請嘅 Urban Doer 係 Balu,一開始邀請佢都有啲擔心,唔知會唔會答應我哋,好幸運,佢應承咗,但佢同我哋一樣都係學生,大家都要上堂,咁係約時間拍攝方面就比較難就。再加上我哋本身冇咩專業拍攝經驗,都要慢慢花啲時間摸索,用咗好多時間去構思段片應該點拍先可以拍到我哋想要嘅感覺同埋又要考慮好多其他因素,例如搵場地,佈置等等。好彩我哋都預咗同埋花咗好多時間去討論,大家都好合拍,一齊傾好又去 rehearsal ,所以最後拍攝過程都係順利嘅,條片都我哋都滿意。」
Ng Kwan Nok
「我認為今次任務難度最高。前幾個任務唔需要請人拍 video,但係今次任務重點卻是我地唔擅長嘅地方— video production 所以我地都好緊張!」
另外,我地需要拍條以 Urban Doer 做主題嘅 video,Levi's一向走型格路線,而 Balu (Urban Doer) 就行可愛、搞笑路線,所以係製作影片當中,我地花左唔少時間摸索,諗諗點樣將兩樣風格一拍即合。
最後,今次嘅任務係著重於質量,多於數量(如:邀請到多少人成為會員),所以我地花左唔少心力去諗唔少策略去針對學生或是年輕人,睇下用咩方法去吸引佢地。例如:我地嘅自製貼紙好開心可以吸引到好多後生仔黎申請。
Chan Hoi Wa
「其實是有些感觸,攤位上預備了簿邀請同學寫下夢想,但居然有不少人都笑說自己"冇夢想, 咸魚嚟架", 或者是一些很短期的目標,例如是過三爆四. 而我們籌備時都有反問自己的夢想是什麼,也很希望能夠藉此任務讓人思考。」
Li Yuk Ying
「其實呢個比賽,我地最大既得著係知點去 execute,譬如我們地本身唔識 photoshop,但個比賽要整 posters 同埋我們想整屬於我地又可以代表到我們既 icon,所以我地有隊員突登去左學啦。而且我地上堂學既、或者之前參加過既比賽,都係著重寫 proposal就得,唔需要去實踐,但呢個比賽就完全唔同,最緊要、重視既就係睇你實唔實行到,我地要去印 posters,要去整 roll up banner,點樣分配、安排課餘時間去擺 booth,點樣訂物資等等。經過呢個比賽,先真真正正學到咩係 execution。之前 proposal 可以好天花龍鳳、天馬行空,但依家就知要實行,要貼地要 feasible!」